Archivo Digital
| Derechos de la Mujer Lengua: Kichwa Nacionalidad: Kichwa 1. Mama llakta KamachikpaK sapi yuyay * Ecuador mama llaktaka warmikunapa, Karikunapa, llankaywanmi jatunyashka kan. * Pakta pakta kawsaymi alli yuyay kan. 2. Mama llaktapi kawsay ruraykuna * Runa kay munay mañaymanta rikuna; karikunapa, warmikunapa, munay kawsaymantapash rikuna. 3. Kikin munay kawsaymanta * Kikin kawsaypi mana pipash takarina. * Mana makana, mana wañuchina, mana umata chinkachina, mana llakichinapash. * Wawakunata, warmikunata, ruku-payakunata ama llakichichun; kay mama llakta kawsayka jarkana, rikurayana; maykan mana alli runakunatapash kunana, llakita rikuchinapashmi kan. * Kamachikpika karikuna kashpa, warmikuna kashpa, pikashpapash pakta paktami kanchik. * Tukuy runakunami munay kawsaypa wacharinchik, mana pipash katuna, rantina, yanka llankachinachu kan. 4. Munay mañaymanta, shuktak mamallaktapi rurashka kamachikkunamantapash * Kay mama llakta kawsayka, imashina mama llaktapak kamachikpi, tukuy runakuna munay mañaykunawan alli kawsachun nikun. * Shinallatak shuktak mama llaktapi rurashka kamachikkunata paktachinatapashmi rikurayana kan. * Tukuylla kay mama llaktapi chaskishka, ari nishka kamachikkunataka, tukuylla kamachikkunawan llankakkunami, kay kamachikkunawan llankana kan, kay kamachikkumawanmi rikurayana kan. * Mana rurana kamachikkuna illan nishpalla, ima llakitapash pakanachu kan. * Kay kamachikkunaka mana munay mañaykunata jarkanachu kan. 5. Ayllupak munay mañaymanta * Mama llakta kawsayka, tukuylla ayllukuna alli kawsachun rikurayanami kan; paykuna ima munaykunatapash, tarichunmi rikurayana . * Kay ayllukuna kamachik jawa tantarishkata, yankalla tantarishkatapashmi chaskina kan. * Kay ayllupi kawsakkunaka tukuyllami kamachikpika pakta pakta kan. * Sawarishkakunata, mana sawarishkakunatapashmi rikurayashpa wakaychina kan. * Warmikunalla wawakunayuk tukushkakunatapashmi rikurayashpa wakaychina kan. * Sawarishkunapika kusapash, warmipash, wawakunapashmi kamachikpika pakta pakta kan. * Yankalla tantarishpa kawsak sawarishkakunapashmi kamachik ukupi kan. Tayta, warmimanlla wawakunata sakikkunatapashmi rikurayana kan. * Mamapash, taytapashmi wawakunata rikushpa, yachayta kushpa, kuyashpa charinata rikuna kan. * Paypurami mashna wawata charinatapash rikuna kan. Shinallatak mama llakta kawsayka tukuypimi yanapanata charin. 6. Alli kawsaymanta * Mama llakta kawsayka, mamakuna, wawakuna alli mikushpa, alli kawsachun; shinallatak wawa tariypipash alli kawsachunmi rikuna kan 7. Willaymanta, yachanamantapash * Yachaypika, kari kashpa, warmi kashpapashmi pakta kana kan. * Ima willachiypi, ima jatuypipash mana llakichiyman, washanichinaman chayanachu kan, warmikayta karikaytapash, mana llakipayachinachu. 8. Ima charinamantapash * Ayllu ima charishkamantapash, kamachikpika kusapak warmipakpashmi kan. Pakta pakta yuyashpami imatapash rurana, rantina, katunapash kan. 9. Apuk akllaymanta * Kay pushakkunata akllaykunapi, tukuy kay llankaykunapi; kari kashpapash, warmi kashpapash pakta kanatami charin, pakta akllay tukunata, pakta yaykunatapashmi charin. 10. Llankaymanta * Mama llakta kawsayka, tukuy warmikunamanmi llankayta kuna kan, alli llankaykunapi, alli kullkiwanmi chaskinata charin. * Tukuy warmikunami llankayta charina kan, tukuy llankaymi paykunapak munay mañay kana. Wasipi llankakkuna, wawayuk warmikuna, unkunalla warmikunapashmi llankanapi chaskitukunata charin. Jampi yanapak ukuman killkarinatapashmi charin. Pipash warmikunata llankaypi llakichinataka mana charinchu. * Warmipa, kusapa llankaykunatapashmi ranti ranti yanaparishpa rina kan. Ishkantinpa llankaymi shuklla kullki tukuna kan. * Wasi llankaytapashmi kullkipak llankashkashinata rikuna kan, shinami kay kamachikka nin. 11. Mama llakta kawsaypi, karipash warmipash pakta kanamanta * Mama llaktapa kawsay ruraykunapika karipash, warmipash pakta kana yuyaykunawanmi ñawpakman apana kan. 12. Llakichik tukunallakumanta * Ruku payakunata, warmikunata, unkunalla warmikunata, wawakunata, unkuskakunatapash, alli yanapana, rikurayanapashmi kan. Intérpretes Indígenas:
|
